ஊடகவியலாளர்கள் மீது தொடர்ந்து தன கைவரிசையை காட்டும் இலங்கை இனவாத அரசு

question_3d1ஊடகவியலாளர்களின் தேசிய ஒன்றியத்தின் செயலாளரான இருதின பத்திரிகையின் ஊடகவியலாளர் திலீஷா அபேசுந்தர வசித்துவரும் பொரல்ல டேர்பன்டைன் வீடமைப்புத் தொகுதி அமைந்திருக்குமிடத்திற்கு நேற்று முன்தினம் இரவு 11.30 அளவில் வெள்ளை வானில் சென்ற இனந்தெரியாத நபர்கள் சிலர் வீட்டிற்குள் நுழையும் வாசல் கதவைத் திறக்க கடும் முயற்சிகளை மேற்கொண்டிருந்தனர்.

திலீஷஸா அபேசுதந்தரவின் பெயரைக் கூறி அழைத்துள்ள இந்த நபர்களில் ஒருவர், நுழைவு வாசலைத் தாக்கி அதனைத் திறக்கமுயன்றுள்ளார்.

இதன்போது வீட்டுக் கதவைத் திறந்து நீங்கள் யார் எனக் கேட்டுள்ள திலீஷஸா என்ற பெயரில் யாரும் இல்லையெனக் கதவை மூடியுள்ளார். ஊடக அடக்குமுறை மற்றும் பத்திரிகை சபையை மீண்டும் செயற்படுத்துவதற்கு எதிராக கொழும்பு ஜயவர்தன கேந்திர நிலையத்தில் ஊடக அமைப்புக்களின் செயற்பாட்டில் நேற்று நடைபெற்ற ஏற்பாடு செய்யப்பட்டிருந்த சந்தர்ப்பதிலும் இந்தப் பிரச்சினைகள் குறித்து பேச்சுவார்த்தை நடத்த ஊடக அமைப்புக்களுக்கு எழுத்துமூலமான அழைப்பு விடுக்கப்பட்டிருக்கும் நிலையில் திலீஷஸா அபேசுதந்திரவின் வீட்டிற்கு இனந்தெரியாத நபர்கள் வெள்ளை வானில் சென்று இவ்வாறான நடவடிக்கையில் ஈடுபட்டமையானது அவரைக் கடத்திச் செல்ல அல்லது அவர் மீது வன்முறையைக் கட்டவிழ்த்துவிடுவதற்கான எச்சரிக்கையாக இருக்குமோ எனச் சந்தேகம் வெளியிடப்பட்டுள்ளது.

ஊடகவியலாளர் போத்தல ஜயந்தவும், ஊடக அமைப்புகளின் பிரதிநிதிகள் ஜனாபதியுடன் பேச்சுவார்த்தைகளை நடத்திக் கொண்டிருந்தபோதே கடத்திச் செல்லப்பட்டுத் தாக்கப்பட்டார். இந்த நிலையில், நடு இரவில் இனந்தெரியாத நபர்கள் திலீஷாவின் வீட்டிற்குச் சென்று இவ்வாறான நடவடிக்கையில் ஈடுபட்டமையானது ஊடகவியலாளர்களை ஒடுக்கும் அடையாளம் எனத் தெரிவிக்கப்படுகிறது.

Copyright © 2004 - 2017 நெருடல். All rights reserved.