பிரித்தானிய தொழிற்கட்சி தமிழர்களை ஏமாற்றுகிறதா?

lablogoபிரித்தானியத் தொழிற் கட்சியின் மாநாட்டில் உரையாற்றிய தமிழரான சென் கந்தையா அவர்கள் பிரித்தானியாவில் மூன்று இலட்சம் தமிழர்கள் இருக்கிறார்கள் என்றும் அவர்கள் எல்லோரும் தொழிற்கட்சிக்கே வாக்களிப்பார்கள் என்றும் கூறினார். பதினொரு ஆண்டுகளாக ஆட்சியில் இருக்கும் தொழிற்கட்சி தமிழர்களுக்கு என்னசெய்தது?

  • உண்ணாவிரதம் இருந்த தயா இடைக்காடருக்கு அழித்த வாக்குறுதிகளை நிறவேற்றியதா?
  • ஈழத் தமிழர் பிரச்சனை பற்றி எழுப்பிய போதெல்லாம் இலங்கை அரசு ஜனநாயக முறைப் படி தேர்ந்தெடுக்க்கப் பட்ட அரசு என்றும் விடுதலைப் புலிகள் பயங்கர வாத இயக்கம் என்று தொடர்ந்து கூறிவந்தது.
  • இந்தியாவின் வற்புறுத்தலுக்கு இணங்க தமிழர்களின் விடுதலைப் போராட்டத்திற்கு சட்டபூர்வமாக பயங்கரவாத முத்திரை குத்தியது தொழிற்கட்சி அரசு.
  • அத்துடன் நிற்காமல் ஐரோப்பிய ஒன்றியத்திலும் தமிழர்களின் விடுதலைப் போராட்டத்திற்கு பயங்கர வாத முத்திரை குத்தியது இதே தொழிற்கட்சி அரசு.
  • இருதிங்களில் வன்னியில் அறுபதினாயிரம் மக்கள் கொல்லப் பட்ட போது எதுவுமே செய்யாதிருந்தது இதே தொழிற்கட்சி அரசுதான்.

தொழிற்கட்சி மாநாட்டில் மூன்று இலட்சம் மக்களைத் தடுத்து வைத்திருப்பது மனிதாபிமானம் அற்றது என்று தீர்மானம் நிறை வேற்றினார்கள். அது சட்ட விரோதமானது என்றோ அல்லது அதைக் கண்டித்தோ தீர்மானம் நிறைவேற்றாதது ஏன்? இதே தீர்மானத்தை ஏன் பாராளமன்றத்தில் நிறை வேற்றவில்லை? இலங்கைக்கான GSP+ வர்த்தகச் சலுகையை ஐரோப்பிய ஒன்றியம் நிறுத்த வேண்டும் என்று ஏன் தீர்மானம் நிறைவேற்றவில்லை?

இலங்கைக்கான GSP+ வர்த்தகச் சலுகையை பிரித்தானியா நினைத்திருந்தால் சென்ற ஆண்டே நிறுத்தியிருக்கலாம். இது பிரித்தானிய வர்த்தகத்தோடு சம்பந்தக்ப் பட்டது என்றபடியால் தொழிற்கட்சி அரசு எதுவும் செய்யவில்லை.

இந்த மாதமும் இலங்கைக்கான GSP+ வர்த்தகச் சலுகையை ஐரோப்பிய ஒன்றியம் இரத்துச் செய்யும் நடவடிக்கையை தொழிற்கட்சி செய்யாவிட்டால் தமிழர்கள் எல்லோரும் தொழிற் கட்சிக்கு எதிராக் கிளர்ந்து எழ வேண்டும்.

Copyright © 2004 - 2017 நெருடல். All rights reserved.