பொன்சேகா ஆதரவு இராணுவத்தினரை கொல்ல சதி? மோதலில் 40 பேர் காயம்

முன்னாள் தலைமை தளபதி சரத் பொன்சேகாவுக்கு ஆதரவாக செயல்பட்ட இலங்கை இராணுவத்தினர் சிலரை கொல்ல மேற்கொண்ட முயற்சியின்போது, இராணுவத்தினருக்கு இடையே நடந்த மோதலில் 40 பேர் காயமடைந்து மருத்துவமனையில் அனுமதிக்கப்பட்டுள்ளதாக செய்தி வெளியாகி உள்ளது.

கடந்த 2 தினங்களுக்கு முன்னர் விமானத் தாக்குதல் நடைபெற்றதாகக் கூறும் மணலாறு என்ற இடத்தில் இருந்து காயப்பட்ட இராணுவத்தினர் பலர் கொண்டுவரப்பட்டுள்ளதாக செய்திகள் கசிந்துள்ளன.

அதேவேளை, பலர் இறந்திருக்கக் கூடும் என்ற செய்திகளும் வெளியாகியுள்ளன.அதாவது சரத் பொன்சேகாவுக்கு ஆதராவகச் செயல்பட்ட இராணுவத்தினர் சிலரை, மணலாறு காட்டுப்பகுதியில் வைத்து இலங்கை அரசு தீர்த்துக்கட்டி இருக்காலம் என்று கூறப்படுகிறது.

காடுகளுக்குள் புலிகள் இருப்பதாகக் கூறி தேடுதல் நடவடிக்கைக்கு என சில இராணுவத்தினரை அனுப்பி, அவர்களை கோத்தபாய ராஜபக்சவின் கட்டளைக்கு ஏற்ப, மற்றொரு இராணுவக் குழு சுட்டு பழிவாங்கி இருக்கலாம் என நம்பப்படுகிறது.

இருப்பினும் சுதாரித்துக்கொண்ட சில இராணுவத்தினர் நடத்திய எதிர் தாக்குதலிலேயே, கோத்தபாயவின் இராணுவத்தினர் பலர் காயமடைந்ததாகவும் தெரிவிக்கப்படுகிறது.

தற்போது காயமடைந்த இராணுவத்தினரை ஆதாரம் காட்டி, புலிகளின் முன்னாள் தளபதிகளான, ராம் அல்லது நகுலன் இத்தாக்குதலை நடத்தியதாக தெரிவிக்க இருப்பதாக பிறிதொரு செய்தி தெரிவிக்கிறது.

இதன் மூலம் புலம்பெயர் தமிழ் மக்களிடம், ராம் மற்றும் நகுலன் போன்றோரின் செல்வாக்கை அதிகரிக்கவும், இன்னும் புலிகள் அச்சுறுத்தல் இருப்பதால் அவசரகால சட்டத்தை நீடிக்கவேண்டும் எனக் கூறுவதற்காகவும், மற்றும் உயர்பாதுகாப்பு வலையத்தை தக்கவைப்பதோடு, இராணுவத்தின் கெடுபிடிகளை அதிகரிக்கவும் இது உதவியாக அமையும் எனச் சொல்லப்படுகிறது.

இருப்பினும் இராணுவத்தினர் காடுகளுக்குள் சென்ற வேளை கிபீர் விமான தாக்குதல் நடைபெற்றதால், விமானிகள் இராணுவத்தினர் மீதே மாறி தாக்குதலை நடத்தி இருக்கலாம் என்ற செய்திகளும் வெளியாகி இருப்பதும் பெரும் சந்தேகங்களைக் கிளப்பியுள்ளது.

எது எவ்வாறு இருந்தாலும் விடுதலைப் புலிகள் தற்போது வலிமையான தாக்குதல் எதையும் நடத்தமாட்டார்கள் என கூறப்படுகிறது.

இருப்பினும் தவிர்க்க முடியாத காரணம் எதுவும் ஏற்பட்டாலே அவர்கள் தாக்குதல் நடத்தி இருப்பார்கள் என்றும் விடயம் அறிந்தவட்டாரங்கள் கருத்து தெரிவித்துள்ளன.

இந்நிலையில், இராணுவத்தினர் காயமடைந்து மருத்துவமனையில் அனுமதிக்கப்பட்டுள்ளது பெரும் சந்தேகங்களைக் கிளப்பியுள்ளது.

Copyright © 2004 - 2017 நெருடல். All rights reserved.