வன்னியில் பெரும் மோதல் வெடித்துள்ளது -படையினருக்கு பாரிய இழப்பு:பல நூறு பொதுமக்கள் பலி

ஆயினும் இன்று அதிகாலை 3மணியளவில் விடுதலைப் புலிகள் நடத்திய பதில் தாக்குதலில் வட்டுவாகல் விடுவிக்கப்பட்டது. ஆயினும் படைத்தரப்பு மீண்டும் காலை 5 மணியளவில் ஆரம்பித்த ராணுவ நடவடிக்கையின் பின்னர் 8 மணியளவில் வட்டுவாகலை படைத்தரப்பு மீண்டும் கைப்பற்றியுள்ளதாக தெரிவிக்கப்பட்டுள்ளது.
 
இதனிடைய வன்னியில் அனைத்துப் பகுதிகளிலும் அதாவது சூனியப் பிரதேசம் என அறிவிக்கப்பட்ட எல்லைப் பகுதிகளிலும் தொடர்ச்சியாக மோதல்கள் இடம்பெறுவதாகவும் அங்கிருந்து கிடைக்கும் தகவல்கள் தெரிவிக்கின்றன.

 

 

பாரிய குண்டுத் தாக்குதல்களும்  பல்குழல் எறிகணைத் தாக்குதல்களும் இடம்பெற்றுக் கொண்டிருப்பதாகவும் இதுவரை குறிப்பிட்ட இலக்குகளில் 17 தடவைக்கும் மேற்பட்ட தடவைகள் விமானப்படை  விமானங்கள் பாரிய குண்டுத் தாக்குதல்களை நடத்திக் கொண்டிருப்பதாகவும் கடற்பகுதிகளில் இருந்து கடற்படையினர் பல்குழல் பீரங்கிகளையும் கடற்படை கப்பல்களில் இருந்து மேற்கொள்வதாகவும் தெரிவிக்கப்படுகின்றது.

 

பொதுமக்கள் பாரிய அளவில் உயிரிழந்திருக்கலாம் என அஞ்சப்படுகின்றது. ஆனால் தகவல்கள் எவையுமே வெளியாகவில்லை.
 
இலங்கை பாதுகாப்பமைச்சின் செயலாளர் கோத்தபாய ராஜபக்ஸ 48 மணி நேர கால அவகாசம் விடுத்துள்ள நிலையிலேயே இந்த தாக்குதல்கள் இடம்பெற்றுள்ளன. 24 மணித்தியாலங்கள் தற்போது கடந்துள்ள போதிலும் அடுத்து வரும் 24 மணித்தியாலங்களில் எதுவும் இடம்பெறலாம் எனவும் எந்த வித மாற்றங்களும் இடம்பெறலாம் எனவும் அஞ்சப்படுகின்றது. ஆத்துடன் ஏற்கனவே ஆரம்பிக்கப்பட்டுள்ள மோதல்களில் கணிசமான அளவு உயிர்ச்சேதங்கள் ஏற்பட்டிருக்கலாம் என தெரிவிக்கப்படுகின்றது.
 
மக்கள் அங்கிருந்து வெளியேற பாதுகாப்புத் தரப்பு பாதையொன்றை அமைத்து வழங்கும் எனப் பிரச்சாரம் செய்யப்பட்ட போதும் அவ்வாறான எந்தவித ஏற்பாடுகளும் மேற்கொள்ளப்படவி;ல்லை எனத் தெரிவிக்கப்படுகின்றது.
 
இன்றும் பொதுமக்கள் சுற்றிவளைக்கப்பட்டு தாக்குதலுக்குள்ளாக்கப்படுவதாக தெரிவிக்கப்படுகின்றது.